Бостон Селтикс го отворија плејофот со победа од 115-114 над Бруклин Нетс, изборена во последната секунда од мечот.
Имено, триумф на домаќините им донесе Џејсон Тејтум, кој со звукот на сирената, поентерски ја круниса фантастичната акција на својата екипа.
Тејтум го заврши натпреварот како најефикасен од своите редови со 31 кош, втор стрелец беше Џејлен Браун со 23 поени, а ветеранот Ал Хорфорд постигна дабл-дабл (20 поени и 15 скокови).
Бруклин имаше заостаток сè до четвртата четвртина, кога поведе со серијата од 22-6, но сепак не успеа да го задржи водството.
Кај гостите, најефикасни беа Кајри Ирвинг со 39 и Кевин Дурент со 23 поентирања.
