Монтреал Канадиенс го запишаа четвртиот пораз во низа, откако синоќа загубија со 0-3 од Њујорк Ајлендерс.
На мечот, Канадиенс беа убедливо подобра екипа, но сепак, во домашните редови, изостануваше реализацијата.
Имено, голманот на гостите, Илја Сорокин, дојде до седмиот овосезонски шут-аут, одбранувајќи ги сите 44 противнички шутеви.
Од друга страна, неговите соиграчи ги постигнаа сите три гола во третата третина, благодарение на Зек Парис, на Ноа Добсон и на Брок Нелсон.
Во Источната конференција, Ајлендерс го заземаат деветтото место, додека Монтреал се наоѓа на самото дно.
