По четврт пат во низа на меѓусебните дуели, Њујорк Ајлендерс ги надиграа Бостон Бруинс, откако синоќа славеа со 3-1.
Претставниците на ,,Големото јаболко” постигнаа по еден гол во секоја третина за да дојдат до конечниот триумф.
Двоен стрелец за домаќините беше Кал Клатербак, а Ентони Бовилие се запиша во листата на голгетерите во втората третина.
На само 54 секунди до крајот, Мајк Рајли го постигна почесниот погодок за Бруинс и воедно го постави конечниот резултат.
Од вкупниот 41 удар на Бруинс, домашниот голман, Семјон Варламов, запиша 40 одбрани (97,56%) и беше важна алка во триумфот на својот тим.
Во Источната конференција, Ајлендерс скокнаа на четиринаесеттата позиција, додека Бостон го зазема десеттото место.