Во првиот дуел од синоќешната НХЛ програма, Њујорк Ајлендерс ги совладаа Ст. Луис Блус со 2-1.
Ајлендерс дојдоа до триумфот, откако постигнаа по еден гол во првата и во втората третина.
Стрелци за победничкиот состав беа Американците Оливер Валстром и Брок Нелсон, кои го совладаа голманот Џордан Бинингтон во два наврати.
На неполни три минути пред крајот, Роберт Томас го преполови заостатокот на Блус и донесе неизвесен финиш, кој сепак не заврши со четврто последователно меѓусебно реми.
За Ајлендерс, одлична партија одигра и голманот Илја Сорокин, кој имаше 27/28 одбранети шутеви (96,43%).
На овој меч, членот на Ајлендерс, Здено Кара, го запиша 1052. настап во НХЛ и стана дефанзивецот со најмногу одиграни средби во историјата на ова натпреварување.
И покрај поразот, Ст. Луис остана на третата позиција на Западот, додека во Источната конференција, Ајлендерс го заземаат единаесеттото место.
