Екипата на Барнсли успеа да се консолидира во завршницата на сезоната и да дојде до сè поизгледни шанси за опстанок во Чемпионшип.
Во денешното триесет и осмо коло, избраниците на Поја Асбаги го совладаа Бристол Сити со 2-0 и дојдоа на само три поени од сигурната зона.
Домаќините ја завршија речиси цела работа во првата половина од првото полувреме, кога во листата на стрелците се запишаа Карлтон Морис (10′) и Михал Хелик (21′).
Во вториот дел, Бристол Сити ја презеде иницијативата, но не успеа да го избегне четвртиот пораз на последните пет средби.
На табелата, популарните ,,Робинс” ја заземаат осумнаесеттата позиција, додека Барнсли се наоѓа на дваесет и второто место.
