Ракометната репрезентација на Македонија се подготвува за првиот бараж-дуел против Романија за пласман на Светското првенство.
„Сега размислуваме само за дуелот против Романија. За разлика од ЕП, сега на теренот се враќаат Кире Лазаров, Столе Стоилов и Никола Маркоски. Максимално сме подготвени, имаме квалитет и тоа треба да го покажеме на терен. Романија ни е познат противник и нам ни останува добро да ја анализираме нивната игра и да бидеме максимално подготвени за да стигнеме до нашата цел, а тоа е пласман на СП“, изјави Филип Талески.
