Најпрестижниот турнир од сезоната во голф, кој не е грен-слем, Плејерс Чемпионшип, се одвиваше во текот на изминатиот викенд.
Имено, ова натпреварување се одржа по 49. пат во историјата, а победникот ја доби најголемата парична награда во историјата на голфот.
Најдобар во текот на петте дена во Флорида беше Австралиецот Камерон Смит, кој доби чек од 3,6 милиони долари.
Смит го заврши турнирот со (-13) поени, а во последната рунда имаше одличен учинок од (-6) и покрај четирите удари од (+1).
Како второпласиран заврши 322. играч на светската ранг-листа, Индиецот Анирбан Лахири (-12), кој се збогати за 2,18 милиони долари.
На третата позиција се пласираше Англичанецот Пол Кејси (-11) со награда од 1,38 милиони долари, а најдобрите Американци беа Кевин Киснер (-10) и Киган Бредли (-9) на четвртото и на петтото место.
За престижот на натпреварувањето да биде на нсјвисоко ниво се погрижија Шејн Лаури и Виктор Ховланд, кои погодија ,,од прва” на седумнаесеттата и на осмата дупка.
