Трактор Чељабинск е првиот тим од овогодинешната КХЛ сезона, кој стекна вкупна предност од 2-0 во тековниот плејоф.
,,Мечките”, во вториот меч од осминафиналето, го добија составот на Нефтехимик Нижнекамск со резултат од 2-1.
Водство на домашниот клуб му донесе Витали Кравцов на шест секунди пред истекот на првата третина.
После три минути од вториот дел, Максим Березин им донесе израмнување на гостите, а со вториот денешен гол, конечниот резултат го постави гореспоменатиот Кравцов.
Голманот на Трактор, Роман Вил, освен што запиша 26 одбрани (96,3%) имаше и една асистенција при вториот погодок.
