Во вториот меч од дванаесеттото коло на грчката Супер лига 2 Север, Теспротос ја запиша првата победа во тековната сезона.
Имено, тимот од Игуменица дојде до убедлив триумф од 6-0 над Аполон Лариса во ,,дербито на дното”.
И покрај трите бода, Теспротос остана на последното место и воедно го остави денешниот ривал во ,,црвената” зона на тринаесеттата позиција.
На натпреварот, домаќините водеа со 2-0 на почетокот на второто полувреме со двата гола на Иеротеос Дрицас (7′, 48′).
Сепак, во последните дванаесет минути, избраниците на Хуан Рамон Роча уште четири пати ја затресоа противничката мрежа, а стрелци беа Спирос Русис (78′, 87′), Василиос Константину (90+3′) и голманот Василис Цимопулос (85′) од пенал.
