Александер Омодт Килде имаше перфектен викенд во Бивер Крик (САД), каде што победи и на двете трки во брзинските дисциплини.
Норвежанецот (1:10,73) денес беше најбрз на вториот овосезонски супервелеслалом за добивање на нови сто поени.
Зад него заврши водечкиот во генералниот поредок, Марко Одермат (+0,20), кој има подиум на сите пет досегашни натпреварувања.
Третото место, по пауза од речиси една година, го освои Алексис Пантуро (+0,30) за мотивација во пресрет на наредниот викенд, кога караванот се сели на негов домашен терен во Вал д’Изер.
Од останатите скијачи, под една секунда заостануваа уште: Џино Кавиецел (+0,55), Атле Ли МекГрат (+0,57), Рафаел Хаасер (+0,74), Лукас Бротен (+0,79), Ромед Бауман (+0,80) и Винсент Крихмајер (+0,81).
