Манчестер Јунајтед и со девет бода по пет одиграни кола не е сигурен дека ќе влезе во нокаут фазата од Лигата на шампиони, откако на домашен терен на ,,Олд Трафорд” загубија од ПСЖ со резултат од 1:3.
Потребниот бод Манчестер го имаше се до 69 минута, а потоа за само неколку секунди се случија две кобни работи за домаќините. Најпрво Маркињос даде гол за водство на ПСЖ од 2:1, а само неколку секунди откако Манчестер тргна од центарот, Фред заработи црвен картон.
Оле Гунар Солскјер призна дека можеби требало да го извади Фред од игра на полувремето, затоа што откако доби црвен картон, Манчестер беше инфериорен на теренот и немаше шанси да стигне до второ израмнување.
Манчестер Јунајтед во последното коло ќе гостува кај Лајпцинг и англискиот гигант мора да остане непоразен на тоа гостување, ако сака да биде на позиција која води во нокаут фазата од Лигата на шампиони.



