Во деветтото коло од англиската Национална лига, Солихал Мурс го надигра Торки Јунајтед со 1-4 и го запиша третиот меѓусебен триумф во низа.
За избраниците на Нил Ардли, ова беше четврта победа на последните пет средби, која го искачи тимот до четвртото место на табелата со три бода заостаток во однос на лидерот Честерфилд.
Од друга страна, Торки ја продолжи ,,голготата” од минатата сезона и со само седум освоени поени ја држи дваесеттата позиција.
Сепак, на мечот, домаќините стекнаа почетна предност уште во раната фаза преку вториот овосезонски погодок на Вил Гудвин (8′).
Само пет минути подоцна, гостите го израмнија резултатот, а до крајот уште трипати ја затресоа мрежата на Рајс Ловет.
Двоен стрелец за Мурс беше Шкотланѓанецот Ендру Далас (13′, п. 57′), а по еднаш реализираа Џоу Сбара (28′) и Калум Мејкок (90+2′).
