Во 132. дерби на Ленкашир помеѓу Престон Норт Енд и Барнли, резултатот, по 27. пат во историјата беше нерешен.
Имено, во десеттото коло од англискиот Чемпионшип, двете екипи ремизираа на ,,Дипдејл” со 1-1.
За Престон, ова беше прв натпревар во сезоната на кој беше постигнат повеќе од еден погодок.
Првиот англиски шампион, досега има две победи, шест ремија и еден пораз со неверојатна гол-разлика од скромни 3-2.
Овој учинок е доволен за деветтото место на табелата, додека Барнли е петтопласиран со два бода повеќе.
На последното дерби, двата гола паднаа во првите петнаесет минути.
Најпрво, Тејлор Харвуд-Белис (10′) им донесе водство на гостите со дебитантскиот погодок во новата средина, а пет минути подоцна, за Престон израмни дефанзивецот Џордан Стори (15′).
