Првата швајцарска станица од Светскиот куп во алпско скијање во женска конкуренција е Кран-Монтана, каде што се одвиваа четвртиот и петтиот овосезонски спуст.
На вчерашната трка, по третпат во најбрзата дисциплина, победи Италијанката Софија Гоџа.
Италијанката (1:27,75) денес испиша историја, така што се израмни со Линдзи Вон, како единствена скијачка што победила на четири спустови во низа.
Домашната скијачка, Лара Гут-Бехрами (+0,27), успеа да го освои второто место пред дуото на двете Италијанки – Елена Куртони (+0,60) и Лаура Пировано (+0,82).
Во продолжение, само Бризи Џонсон (+0,89) и Јасмина Сутер (+0,91) заостануваа под една секунда, а пласман во топ 10 изборија уште Петра Влхова (+1,05), Корин Сутер (+1,10), Федерика Брињоне (+1,26) и Мишел Жизен (+1,32).
Поради лошите временски услови во Кицбил, машкиот спуст беше одложен за утре, а супервелеслаломот е закажан за понеделник.
📸 Alain Grosclaude/Agence Zoom/Getty Images)
