Екипата на Барнмут го запиша четвртиот пораз во сезоната, откако во воведниот саботен термин на дваесет и третото коло од Чемпионшип, загуби со 1-0 од Мидлсброу.
Иако беа фаворити, избраниците на Скот Паркер беа потполно надиграни од своите ривали, кои заслужено дојдоа до победата.
За составот од ,,Риверсајд Стадиум”, ова беше трет меч во низа без примен погодок, доволен за скок на осмото место на табелата.
Од друга страна, Барнмут сè уште ја држи втората позиција, но во случај на победа на Фулам, ,,Црешите” ќе го загубат чекорот за самиот врв.
Херој на Мидлсброу на денешната средба беше Словенецот Андраж Шпорар, кој го постигна единствениот гол со прецизниот шут од белата точка во 53. минута.
