Новоформираниот Силвестер Тур е пандан на Новогодишната турнеја во Светскиот куп во ски скокови во женска конкуренција, кој се одржува во Љубно, Словенија.
На првото од двете натпреварувања, славеше домашната скокачка, Ника Крижнар, која се искачи на врвот за првпат во новата сезона.
Второто место го зазеде водечката во генералниот пласман, Марита Крамер, пред сè поради потфрлувањето во втората серија со кое го загуби водството од првиот скок.
Радост на Словенците им донесе и Ема Клинец на третата позиција, додека нејзината сонародничка, Урша Богатај, заврши како четврта.
Јапонката Сара Таканаши и Германката Катарина Алтхаус го поделија петтото место, а во топ 10 завршија уште Даниела Ирашко-Штолц, Лиза Едер, Ева Пинкелних и Теа Минјан Бјорнсет.
