На петтата овосезонска трка во Мото 3 категоријата, одржана во Портимао (Португалија), до шестата победа во кариерата дојде Серхио Гарсија.
Шпанецот славеше по вторпат во сезоната, откако беше во водство во поголемиот дел од натпреварувањето.
Целата трка помина во знакот на водечката група во која учествуваа вкупно пет мотоциклисти.
Во возбудлив финиш, 1-2 победа на Шпанија и’ донесе Хауме Масија, а хет-трик на пиринејската земја спречи Јапонецот Ајуму Сасаки.
Четвртото место му припадна на Турчинот Денис Онџу, а на дното на групата заврши Изан Гевара.
Пласманот во првите десет го комплетираа уште: Карлос Татаи, Андреа Мињо, Диого Мореира, Денис Фоџа и Џоел Келсо.
