Фамозното ,,Олд Фирм Дерби” на најголемите шкотски ривали, Селтик и Ренџерс, денес се одигра по 423. пат во историјата, во рамките на 32. коло од шкотскиот Премиершип.
Имено, по јубилеен стоти пат досега, ова дерби заврши со нерешен резултат, откако ривалите од Глазгов ремизираа со 1-1.
Двата погодоци паднаа во првото полувреме, со тоа што Селтик поведе преку осмиот овосезонски погодок на Мохамед Елјунуси (23′).
Петнаесет минути подоцна, Алфредо Морелос (38′) успеа да израмни на 1-1 и со тоа да го постави конечниот резултат.
За Колумбиецот, ова беше прв гол на петнаесеттото ,,Олд Фирм Дерби” во својата кариера.
Сепак, без оглед на денешниот резултат, пред три недели, Ренџерс ја осигураа 55. титула, прекинувајќи ја деветгодишната доминација на Селтик.
📸 Ian MacNicol/Getty Images
