Селекторот на Португалија, Фернандо Сантос беше многу лут по вчерашниот меч на неговата селекција против Србија во Белград. Мечот од квалификациите за Светското првенство 2022 година беше решен со судиска грешка во последните моменти од мечот.
При резултат 2:2, Роналдо шутираше кон голот на Србија, топката ја помина гол линијата, а потоа еден од домашните бекови ја исфрли во поле. Селекторот на Португалија имаше свое видување, каде што кажа дека после натпреварот судијата му се извинил за направената грешка, но Сантос е вознемирен и вели дека сега е прекасно за било што околу таа ситуација.
