Во пресрет на последното натпреварување од Светскиот куп во нордиска комбинација, Јарл Магнус Риибер имаше еден поен предност пред Јоханес Лампартер во битката за кристалниот глобус.
На втората трка во Шонах (Германија), токму овие двајца натпреварувачи приредија спектакл во борбата за титулата сè до целната линија.
Накрај, на рекордната 49. победа во кариерата се радуваше Риибер (24:23,9), кој ја освои круната по четврт пат во низа.
После првата серија, Лампартер (+4,2) имаше заостаток од 28 секунди во однос на Риибер, но успеа да го презеде водството на 700 метри пред крајот.
Тактиката на Риибер се покажа како успешна со тоа што го искористи заморот на Австриецот за напад во последните 200 метри.
Третото место на денешната трка му припадна на Винценц Гајгер (+5,1), кој беше побрз од Јорген Граабак (+5,2) за една десетинка, а најдобриот скијач, Илка Херола (+34,4) беше петтопласиран.
