Во 2018, Силвио Берлускони се врати во италијанскиот фудбал, станувајќи директор на фудбалскиот клуб Монца.
Во тоа време, претставниците на Ломбардија беа третолигаши, но експресно изборија промоција во Серија Б.
Имено, Монца го држеше рекордот за најмногу сезони поминати во втората лига без ниеден пласман во Серија А.
Сепак, од 2022/23, оваа негативна низа ќе биде прекината бидејќи ,,Црвено-белите” го освоија второлигашкиот плејоф.
Во вториот финален дуел, Монца славеше над Пиза со 3-4 после продолженија, откако го доби првиот меч со 2-1 на свој терен.
Во првите девет минути од реваншот, Пиза веќе имаше 2-0, откако прецизно стрелаа Ернесто Торегроса (1′) и Хјортур Хермансон (9′).
Монца успеа да стекне поволен резултат со головите на Жозе Мачин (20′) и на Кристијан Гиткјер (79′), но продолженија избори Џузепе Мастину (90′) со еврогол во последната минута од регуларниот дел.
Во дополнителниот период, гостите уште двапати ја затресоа мрежата на Андраде Николас, а во листата на стрелците се запишаа Лука Мароне (96′) и гореспоменатиот Гиткјер (101′).
До историскиот успех, освен Пиза, Монца го елиминира и тимот на Бреша со две победи од по 2-1.
Заедно со дебитантите, наредната сезона во италијанската елита ќе играат Лече и Кремонезе.
