На осмата трка од тековната сезона во Мото 2, одржана во Муџело (Италија), Педро Акоста стана седмиот различен победник.
Имено, Шпанецот извоза соло-трка и дојде до првиот триумф во категоријата до 250 кубици, а воедно стана и најмладиот победник во втората група со 18 години и 4 дена.
На три кругови пред крајот, моторот на лидерот во генералниот поредок, Челестино Виети, изгуби моќ додека Италијанецот беше во борба за второто место.
Од целата ситуација профитираа второпласираниот Џоу Робертс и третопласираниот Аи Огура, кој се израмни на врвот на вкупниот пласман со Виети.
Четвртото место го зазеде Тони Арболино, а во првите десетмина се најдоа уште: Аугусто Фернандез, Џејк Диксон, Алонсо Лопез, Камерон Бобиер, Бо Бендснајдер и Алберт Аренас.
На осум кругови пред крајот, од патеката излета и Арон Канет, кој беше втор и му ,,дишеше” зад врат на лидерот Акоста.
