Третото натпреварување од женската новогодишна турнеја, наречена Силвестер Тур, се одржа во Љубно, Словенија.
Истото помина во знакот на Ана Одине Стром, која триумфираше за првпат во кариерата, откако водеше и после двете серии.
На второто место заврши Ева Пинкелних и на овој начин го задржа лидерското место на поредокот на турнејата, додека третопласирана беше Катарина Алтхаус.
Најдобра домашна претставничка беше Ема Клинец на четвртата позиција, испуштајќи го пиедесталот за само 0,4 поени, а како петта, со напредок од десет позиции, заврши Сара Таканаши.
Во продолжение, во првите десетмина, се пласираа уште: Ника Крижнар, Кјара Кројцер, Лујза Герлих, Урша Богатај и Јука Сето.
