Пред два дена Нефтехимик Нижнекамск го порази Амур Хабаровск после продолжение (1-2), но денес ,,Тигрите” го возвратија ударот и триумфираа со 3-0 на последниот меч на домашен терен сезонава.
Од почетната постава на Амур, сите, освен голманот Јевгениј Аликин, забележија гол или асистенција.
Имено, противничката мрежа ја затресоа Кирил Расказов и Владимир Бутузов во првата, односно Дмитри Архипов во втората третина.
Аликин, иако немаше поен, го запиша својот прв ,,шут-аут” во сезоната, стопирајќи ги сите 24 противнички удари кон својот гол.
На табелата на Источната конференција, Амур е десетти, а Нефтехимик – единаесетти, на три натпревари до крајот на регуларната сезона, без никакви шанси за плејоф.
📸 hcamur.ru
