Од 15 февруари 2015, Трабзонспор не знае за победа на ,,Медикал Парк Стадиум” против екипата на Башакшехир.
Имено, во последните осум меѓусебни дуели во Трабзон, Башакшехир триумфираше трипати и избори пет ремија.
Последната поделба на бодовите, двата ривали ја имаа денес, во дербито на деветнаесеттото коло од турската Супер лига, ремизирајќи со 0-0.
Во првите триесет минути игра, домаќините двапати ја затресоа пречката, но не успеаја да го совладаат голманот Мухамед Шенгезер.
До крајот, Башакшехир имаше три добри прилики, кои исто така завршија без реализација.
Од целата ситуација, најмногу профитираше Конјаспор, кој остана на второто место и доби шанса да го намали својот заостаток во однос на врвот на седум поени.
Од друга страна, Трабзонспор го држи челото на табелата, додека Башакшехир ја зазема третата позиција.
