На претходните пет Светски првенства, од мешаните тимови во ски скокови, медали освојуваа само четири репрезентации.
На денешното шесто натпреварување во Планица (Словенија), оваа ситуација ја променија Словенците Ника Крижнар, Тими Зајц, Ема Клинец и Анже Ланишек, кои и’ донесоа бронза на домашната селекција.
Од друга страна, по петти пат во низа, со титулата се закити Германија за која настапија Зелина Фрајтаг, Карл Гајгер, Катарина Алтхаус и Андреас Велингер.
Зад старо-новите шампиони заврши ,,сребрената” Норвешка во состав на: Ана Одине Стром, Јохан Андре Форфанг, Теа Минјан Бјорнсет и Халвор Егнер Гранеруд.
Од екипите во втората серија, без одличје останаа Австрија, Јапонија, Финска, Швајцарија и Полска.
