Давид Кубацки го комплетираше својот перфектен викенд во Висла и со стопроцентен учинок ја отвори новата сезона од Светскиот куп во ски скокови.
Полјакот успеа да запише победи на двете квалификации и на двете натпреварувања и на тој начин да дојде до седмиот триумф во кариерата.
Зад него, на второто место се пласираше Словенецот Анже Ланишек, додека трет беше Норвежанецот Мариус Линдвик.
Неговиот сонародник, Халвор Егнер Гранеруд, го зазеде четвртото место, а во топ 5 заврши и Рјоју Кобајаши.
