Во седмото коло од грчката Супер лига 2 Север, Пансераикос славеше над Верија на гостински терен со 1-3.
Херој за ,,Лавовите” беше Хичам Канис (п. 27′, 56′), кој погоди двапати за 0-2, а во судиското продолжение, третиот гол го постигна осумнаесетгодишниот Александрос Масканакис (90+2′).
Кога се чинеше дека домаќините ќе загубат без постигнат погодок, беше досуден пенал, кој во завршните мигови беше успешно реализиран од Василис Фасидис (п. 90+5′).
На табелата, клубот од Серес фати приклучок за врвот, заземајќи ја четвртата позиција, додека Верија воопшто не личи на шампионскиот тим од минатата сезона и има само еден бод предност во однос на ,,црвената” зона.
