Словенечката Планица стана дел од скијачката историја, откако денес, во рамките на Светското првенство во нордиска комбинација, се одржа првото натпреварување во мешани тимови.
Имено, до премиерното злато во оваа дисциплина дојде репрезентација на Норвешка (37:38,2) за која настапија Ида Марие Хаген, Гида Вестволд Хансен, Јенс Лураас Офтебро и Јарл Магнус Риибер.
Втората позиција ја освоија Германците (+47,8), односно Џени Новак, Натали Армбрустер, Винценц Гајгер и Јулијан Шмид.
Бронзениот медал заврши на вратот на Австријците Аналена Сламик, Лиза Хирнер, Штефан Ретенегер и Јоханес Лампартер (+1:00,0), а во топ 5 завршија уште Италија (+1:53,5) и Јапонија (+2:02,5).
