Нина Ортлиб направи сензација, откако беше најбрза на патеката ,,Олимпијабакен” во Квитфјел (Норвешка), искористувајќи ги подобрите временски услови.
За Австријката (1:29,25), денешниот триумф беше втор во кариерата што воедно и’ го донесе и вториот подиум во супервелеслалом во Светскиот куп.
Воедно, ова беше последна трка во брзинските дисциплини пред завршницата на Светскиот куп од алпско скијање во Солдеу (Андора).
Во битката за малиот кристален глобус, Елена Куртони (+1,14) остана на првата позиција, иако денес го подели дванаесеттото место со Корин Сутер.
На подиумот, зад Ортлиб, се пласираа нејзините сонароднички Штефани Венир (+0,12) и Франциска Гритч (+0,38), а пласманот во топ 5 го комплетираа Софија Гоџа (+0,69) и Ема Ајхер (+0,75).
