Во четвртото коло од грчката втора лига, Ксанти ја оправда фаворитската улога и славеше над Кавала со убедливи 0-6.
На мечот, гостите водеа со 0-5 на полувремето, односно со 0-3 после четиринаесет минути игра.
Два од воведните три погодоци беа дело на поранешниот играч на Шкендија и македонски репрезентативец, Бесарт Ибраими (6′, 14′), кој дебитираше во новата средина.
Освен Ибраими, голови за ,,Кралицата на Тракија” постигнаа Анастасиос Димитријадис (2′), Раду Гинсари (п. 24′), Манолис Фазос (31′) и Вангелис Плателас (69′).
Денешниот пораз ја остави Кавала на последната позиција како единствен тим без бодови после три одиграни натпревари, а воедно и единствен тим без постигнат гол со гол-разлика од 0-16.
Од друга страна, Ксанти го држи второто место со една средба помалку во однос на првопласираната Верија.
