Кина ја покажа својата пинг-понгарска доминација, откако во машкото поединечно финале на ЛОИ 2020 се соочија Фан Жендонг и Ма Лонг.
Во најважниот меч годинава, Ма Лонг триумфираше со вкупни 4-2 или по сетови 11-4, 10-12, 11-8, 11-9, 3-11 и 11-7.
За Лонг, ова е вкупно четврто олимписко злато, односно второ во индивидуална категорија.
Светскиот рекет број три (според рангирањето во јуни) ја одбрани олимписката титула од Рио 2016 и стана најстар олимписки првак во овој спорт со полни 32 години.
За Фан Жендонг, ова е прво олимписко одличје, кое и понатаму ќе го задржи на првото место на светската ранг-листа.
На патот до финалето, Фан ги порази Емануел Лебесон (4-0), Маркос Фреитас (4-1), Јонгсик Џоунг (4-0) и Јун-Џу Лин (4-3).
Од друга страна, Ма Лонг ги елиминираше Камал Ачанта Шарат (4-1), Симон Гози (4-1), Омар Асар (4-1) и Димитриј Овчаров (4-3).
Во битката за бронза, Германецот Овчаров го порази Јун-Џу Лин со 4-3.
Повеќе информации за дуелите на двете кинески ѕвезди можете да најдете на следниот линк: https://javisejuzna.mk/spektakl-vo-najava-dvajcata-prvoplasirani-ke-se-borat-za-zlato-vo-tokio/
