Поради лошите резултати, англискиот премиерлигаш Саутемптон му врачи отказ на тренерот Ралф Хазенхутл, кој беше заменет со Нејтан Џонс.
Имено, Нејтан Џонс беше тренер на второлигашот Лутон Таун, кој минатата сезона и покрај ниските очекувања, избори пласман во плејофот, но доживеа елиминација од Нотингем Форест.
После една недела од заминувањето на Џонс, ,,Шеширџиите” пронајдоа нов предводник во името на Роб Едвардс.
Пред почетокот на 2022/23, Едвардс контроверзно, без никакво известување, го напушти Форест Грин, со кој беше шампион на Лиг 2 во 2021/22 и потпиша за Вотфорд.
Сепак, неговата соработка со клубот од ,,Викериџ Роуд” траеше само десет кола на кои избори три победи.
Освен за Форест Грин и за Вотфорд, како тренер, Едвардс работеше и за Телфорд, за Вулверхемптон У23 и за Англија У16.
