Во рамките на четириесет и првото коло од англиската Национална лига, екипата на Вејмут го освои само вториот поен на последните девет натпревари.
Имено, момците од ,,Боб Лукас Стадиум”, на домашен терен, успеаја да ремизираат со 0-0 против најголемите ривали – Јеовил Таун.
Иако немаше голови, мечот беше исполнет со шанси и на двете страни, особено во судиското продолжение, кога гостите имаа слободен удар од работ на шеснаесетникот.
Двата ривали ремизираа по четврт пат во низа после деведесет минути игра, а добиениот бод има многу поголемо значење за Вејмут.
Популарните ,,Терас” се борат за избегнување релегација во шестата лига и го заземаат претпоследното место, додека Јеовил ја држи дванаесеттата позиција.
