Во дербито на 43. коло од англискиот Чемпионшип, Хадерсфилд го совлада Мидлсброу на гостински терен со 0-2.
За Мидлсброу, ова беше прв домашен пораз од денешниот ривал после 1 јануари 1986, односно вкупно трет на последните четири лигашки средби.
Лошата серија на избраниците на Крис Вајлдер продолжи на четири натпревари без постигнат гол со што ,,Црвените” полека го губат чекорот за пласман во плејофот.
Хадерсфилд беше поубедлив ривал во текот на сите деведесет минути, а дојде до головите преку Мухамаду-Наби Сар (41′) и преку Џордан Роудс (60′).
На табелата, ,,Териерите” го заземаат третото место, додека Мидлсброу падна на осмата позиција.
