Италијанскиот ски-центар Алта Бадија е домаќин на третиот и на четвртиот велеслалом од Светскиот куп во алпско скијање во машка конкуренција.
На денешната трка, до четвртата победа во кариерата дојде Лукас Бротен (2:36,35), кој беше трет после првиот дел.
Со само две стотинки заостаток, на втората позиција се искачи неговиот сонародник, Хенрик Кристоферсен (+0,02), а деветтиот после првото скијање и лидерот во генералниот пласман, Марко Одермат (+0,10), го комплетираше подиумот.
На четвртата позиција заврши Алексис Пантуро (+0,67), а првопласираниот од првиот дел, Жан Крањец (+0,69), мораше да се задоволи со петтото место.
Најголем напредок од шеснаесет позиции во однос на втората серија имаше Андорецот Жоан Верду (+1,47), кој заврши на дванаесеттото место и освои поени по вторпат во кариерата, постигнувајќи го својот најдобар резултат.
