Последниот женски супервелеслалом од Светскиот куп во алпско скијање се одржа денес во Ст. Моритц, Швајцарија.
На него, до третата овосезонска победа и вкупно петта во ,,супер-џи” во кариерата дојде Микаела Шифрин (1:13,62), која дополнително го зголеми водството во генералниот пласман.
Победничката на спустот од пред два дена, Елена Куртони (+0,12), го освои второто место, а пиедесталот го комплетираше Роман Мирадоли (+0,40).
За Французинката, ова беше вкупно втор подиум во кариерата, а за да дојде до него, позади себе ја остави најдобрата домашна претставничка – Мишел Гизин (+0,57).
Повредената Софија Гоџа (+0,60) заврши како петта, а помалку од една секунда доцнеа уште Рагнилд Мовинкел (+0,67), Мирјам Пухнер (+0,96) и Лара Гут-Бехрами (+0,99).
