Традиционално, сега веќе 17. година по ред, една од најугледните кошаркарски „страници“ на Стариот континент, „Евробаскет“ го направи својот избор на најдобрите во кошарката за тековната година.
„Евробаскет“ направи избор и го подели на два дела и тоа: Категории „европски“ (играчи кои моментално настапуваат во Европа), и „сеевропски“, во кој се вклучени и европските претставници како и играчи надвор од границите на европскиот континент, кои во најголем дел играат во најсилната лига на светот – НБА.
Младиот Словенец во својата трета сезона во Далас, се промовира себеси во најдобрите европски играчи во најсилната лига на светот. Словенечкиот „дијамант“ дојде до неверојатен просек од скоро 30.поени по натпревар, лани беше трет додавач во лигата со просек од 8.8 асистенции, а имаше и 9.4 скокови по меч и беше многу блиску до „троен ефект“, што е вистинско, ретко остварување за еден така млад играч.
Неговиот репрезентативен соиграч, Горан Драгич ја држи втората бековска позиција-плејмејкерската. Искусниот Словенец го водеше Мајами до големото финале на НБА лигата кое се играше во „балонот“ во Орландо. Повредата го спречи да не ги одигра сите мечеви од финалната серија со ЛА Лејкерс, која Хит ја загуби со вкупни 2:4. Во својата 13. НБА сезона, имаше просек од 16.8 поени, 4.9 асистенции и 3.4 скока на еден натпревар.
Шеста година по ред Јанис Адетокумпо е прогласуван за најдобро се-европско крило. Минатата сезона по втор пат ја доби и главната индивидуална награда – МВП на регуларниот дел од сезоната во НБА лигата, но не успеа во главниот план со Милвоки Бакс да дојде до титулата во НБА.
ИЗБОРОТ НА ЕВРОБАСКЕТ
Се-европски играч на годината: Лука Дончиќ (Далас)
Се-европски бек на годината: Лука Дончиќ (Далас)
Се-европски бек-шутер на годината: Горан Драгич (Мајами)
Се-европско ниско крило на годината: Јанис Адетокумпо (Милвоки)
Се-европско силно крило на годината: Никола Миротиќ (Барселона)
Се-европски центар на годината: Никола Јокиќ (Денвер)
ПРВА СЕ-ЕВРОПСКА ПЕТОРКА
Горан Драгич (Мајами)
Лука Дончиќ (Далас Маверикс)
Јанис Адетокумпо (Милвоки)
Никола Миротиќ (Барселона)
Никола Јокиќ (Денвер)
ВТОРА СЕ-ЕВРОПСКА ПЕТОРКА
Василије Мициќ (Анадолу Ефес)
Еван Фурние (Орландо)
Бојан Богдановиќ (Јута)
Торнике Шенгелија (Баскониа/ЦСКА)
Руди Гобер (Јута)
ОСОБЕН ПРИДОНЕС
Денис Шродер (Оклахома/ЛА Лејкерс)
Богдан Богдановиќ (Сакраменто/Алтланта)
Владимир Лучиќ (Баерн Минхен)
Данило Галинари (Оклахома/Атланта)
Никола Вучевиќ (Орландо).
Извор: https://kfsm.mk/



