Последното коло од овогодинешната Чемпионшип сезона ги донесе најголемите можни возбудувања. Иако шампионот беше познат уште пред стартот на 46. коло, денес се одлучија директните патници во Премиер лигата, патниците во плејофот и патниците во Лиг 1.
Освен Лидс, старо-нов премиерлигаш ќе биде ВБА кој со ремито од 2-2 против КПР си ја загарантира втората позиција. Од голема полза на фудбалерите на Славен Билиќ беше изненадувачкиот пораз на Брентфорд од Барнсли од 1-2 на последниот натпревар одигран на „Грифин Парк“.
Освен Брентфорд, во плејофот се квалификуваа и Фулам, Кардиф и Свонси. Свонси во последното коло избори победа од 1-4 против Рединг, а во плејофот се најде благодарение на еден гол подобра гол-разлика во однос на Нотингем кој загуби со 1-4 од Стоук.
Со победата над Брентфорд, Барнсли успеа да избори опстанок и тоа поради дванаесетте одземени поени на Виган, кој провизорно би требало да ја заврши сезоната на тринаесеттото место. Во Лиг 1, наредната сезона ќе се натпреваруваат Хал Сити, Виган и Чарлтон. Уште една екипа којашто обезбеди опстанок во Чемпионшип и за наредната сезона е новајлијата Лутон кој беше делумно отпишан пред неколку кола.
Резултати од 46. коло:
Бирмингем 1-3 Дерби
Брентфорд 1-2 Барнсли
Бристол Сити 1-1 Престон
Кардиф 3-0 Хал Сити
Лидс 4-0 Чарлтон
Лутон 3-2 Блекбурн
Милвол 4-1 Хадерсфилд
Нотингем 1-4 Стоук
Рединг 1-4 Свонси
Шефилд Венздеј 1-2 Мидлсброу
ВБА 2-2 КПР
Виган 1-1 Фулам
