Втората станица во новата година од Светскиот куп во алпско скијање во женска конкуренција е австрискиот Ст. Антон, каде што на програмата беа двете брзински дисциплини.
Денес беше одржан вториот супервелеслалом во сезоната, односно прв после 20 декември 2020, кога во Вал д’Изер триумфираше Естер Ледецка.
Денес, најбрза од сите беше Лара Гут-Бехрами (1:17,82), која триумфираше во оваа дисциплина за првпат после 21 јануари 2018 во Кортина д’Ампецо.
До второто место, воедно и до третиот подиум сезонава, дојде Италијанката Марта Басино (+0,16), а Корин Сутер (+0,20) се пласираше на третото место.
Под една секунда заостануваа уште Тамара Типлер (+0,45) и Федерика Брињоне (+0,72), а во топ десет се пласираа уште: Естер Ледецка (+1,33), Аријане Редлер (+1,37), Мишел Жизен (+1,48), Штефани Венир (+1,67) и Венди Холденер (+1,67).
📸 Michel Cottin/Agence Zoom/Getty Images
