Германскиот ски-центар Гармиш-Партенкирхен беше домаќин на денешниот петти овосезонски супервелеслалом од Светскиот куп во машка конкуренција.
Воедно, ова беше последна трка пред Светското првенство што ќе се одржува во текот на наредните две недели во Кортина д’Ампецо, Италија.
До втората победа во низа во оваа дисциплина дојде Австриецот Винсент Крихмајер (1:12,68), кој го запиша и осмиот триумф во Светскиот куп во својата кариера.
На второто место заврши неговиот сонародник, Матијас Мајер (+0,17), а скијачот што прв се спушти на стазата, Марко Одермат (+0,49), се пласираше на третата позиција.
Освен тројцата првопласирани, во топ 10 завршија уште: Нилс Алегре (+0,57), Кристоф Инерхофер (+0,68), Макс Франц (+0,70), Лоик Мејар (+0,74), Доминик Парис (+0,76), Беат Фојц (+0,77), Џино Кавиецел (+0,78) и Ромед Бауман (+0,78).
📸 LIONEL BONAVENTURE/AFP via Getty Images
