Последната трка од сезоната 2020/21 од Светскиот куп во санкање на вештачки патеки, во конкуренција на машки дублови, се одржа денес во швајцарскиот Ст. Моритц.
До првата победа во кариерата стигнаа Летонците Мартинш Ботс и Робертс Плуме (1:48,274), кои беа водечки и после првата серија.
Нивните сонародници, браќата Андрис и Јурис Шикс (+0,064), го освоија второто место на трката, а воедно и во генералниот пласман, а денешниот подиум го комплетираа Италијанците Лудвиг Ридер и Патрик Растнер (+0,207).
За да го освојат малиот кристален глобус во поредокот на дублови само од трки во две серии, на Тони Егерт и на Саша Бенекен им требаше победа, но поради грешка во финишот, мораа да се задоволат со четвртото место (+0,294).
Тобијас Вендл и Тобијас Арлт (+0,456), односно Иван Наглер и Фабијан Малајер (+0,484) заостануваа под половина секунда, а новите шампиони, Томас Штој и Лоренц Колер го освоија седмото место (+0,532).
Австрискиот дубл ја обезбеди првата шампионска титула уште пред две недели, а исто така заврши на првата позиција и во поредокот на трките во две серии и на поредокот во спринт.
📸 Daniel Kopatsch/Getty Images
