Во десеттото коло од Првата македонска футсал лига, КМФ Проект го декласира Железарец со резултат од 7-3.
Поради функционални проблеми, клубот од Јосифово, наместо во Валандово, го угости денешниот меч во салата ,,26 април” во Гевгелија.
Номиналните домаќини покажаа подобра игра во текот на цел меч, а на полувремето водеа со убедливи 5-0.
Кон средината на вториот период, водството на Проект се зголеми на 7-0, но до крајот, клубот од Скопје постигна три почесни погодоци.
Од победничките редови, хет-трик постигна Мартин Тодоровски, а по еднаш во листата на стрелците се запишаа Мартин Мехмединовиќ, Иван Крстевски, Димче Андов и Дарко Ранготов.
На другата страна, по еден гол постигнаа Мирко Богески, Петре Даиловски и Филип Лекиќ.