Во седумнаесеттото коло од италијанската Серија А, Фиорентина го порази составот на Салернитана со убедливи 4-0.
Клубот од Фиренца доминираше во текот на целиот натпревар и успеа да ја запише третата победа во низа.
Од друга страна, Салернитана се соочува со резултатска криза откако го доживеа шестиот пораз на последните седум натпревари.
Голгетери за Фиорентина на денешната пресметка беа Џакомо Бонавентура (31′), Душан Влаховиќ (51′, 84′) и Јусеф Мале (90′).
Србинот Влаховиќ се издвои на првото место во листата на стрелците со петнаесет овосезонски погодоци, од кои дури седум датираат од последните пет настапи.
На ,,крилјата” на својот најдобар поединец, Фиорентина ја држи петтата позиција на табелата, додека Салернитана го зазема самото дно.