Пред само пет дена, Рексам го доби најголемиот дуел во историјата на Националната лига против Нотс Каунти и дојде на само чекор до промоција во Лиг 2 после една и пол деценија.
Сепак, во увертирата на четириесет и четвртото коло, Велшаните направија кикс, ремизирајќи со 0-0 против Барнет.
На стадионот ,,Хајв” во Лондон присуствуваа вкупно 5265 гледачи од кои, дури 1831 допатуваа од Велс.
Единствениот момент, кој за нијанса го промени ритамот на мечот, беше добиениот црвен картон на Калум МекФадзен (51′), кој ги остави гостите со десетмина на теренот.
Со поделбата на поените, Рексам остана на првото место со четири бода предност во однос на Нотс Каунти, додека Барнет ја зазема петтата позиција со речиси загарантиран плејоф.
