После деветте порази и едното реми на последните десет лигашки средби, екипата на Кардиф успеа да запише важни три поени.
Прва ,,жртва” на Велшаните на домашен терен после 21 август беше Хадерсфилд, кој во рамките на денешното 17. коло загуби со 2-1.
После првото полувреме, ,,Териерите” водеа со 0-1, откако мрежата на Алекс Смитис ја затресе Даниел Синани (12′) со неговиот прв гол во Чемпионшип.
Сè до 70. минута, на теренот доминираше Хадерсфилд, кој притоа погоди статива во два наврати.
Сепак, во вториот дел, Кардиф направи целосен пресврт, благодарение на двата гола на Велшанецот Кифер Мур (74′, 90+2′).
Хадерсфилд испушти голема шанса да остане во плејоф-зоната и падна на осмото место, додека Кардиф напредуваше на дваесеттата позиција и се оддалечи три поени од ,,загрозениот” Хал.
