Во сабота ќе се одигра 23. коло од ВМФЛ каде има неколку интересни натпревари, а посебно внимание привлекува традиционалното Езерско дерби. Овој пат улогата на домаќин ќе ја има екипата на Караорман која во сабота од 15 часот на својот стадион го пречекува тимот на Охрид.
Давид Јошески младиот фудбалер кој ги брани боите на ФК Караорман очекува реванш за поразот во Охрид во есенскиот дел кога тимот на Караорман загуби минимално со 1:0.
Сите знаат дека сакаме да им се реваншираме за миминалниот пораз во Охрид во есенскиот дел и бодовите да останат во Струга. Очекувам поддршка во голем број од нашите најверни навивачи Паткари и сите стружани заедно да стигниме до посакуваната цел победа во Езерското дерби.
