Во сабота ќе се одигра 23. коло од ВМФЛ каде има неколку интересни натпревари, а посебно внимание привлекува традиционалното Езерско дерби. Овој пат улогата на домаќин ќе ја има екипата на Караорман која во сабота од 15 часот на својот стадион го пречекува тимот на Охрид.

Ивица Келешоски капитенот на ФК Караорман очекува со максимална подршка од Паткари да стигнат до победа на ова дерби:
Во сабота не очекува натпревар против екипата на Охрид на домашен терен. Традиционално езерско дерби за кое не е потребна дополнителна мотивација. Очекувам со максимална поддршка од нашите Паткари и сите љубители на фудбалот во Струга, да им возратиме со победа на дербито.