Во 16. коло од Националната Лига, одиграно на ,,Боксинг деј”, силите ги одмерија Торки Јунајтед и Јеовил Таун.
Во пресрет на натпреварот, Торки, како најпозитивно изненадување, го држеше водството, а Јеовил, сосема спротивно, беше еден од само четирите тимови со едноцифрен број на освоени поени, претставувајќи најнегативно изненадување.
Гери Џонсон важи за најуспешен тренер во историјата на Јеовил, кој го одведе тимот до единствената второлигашка сезона во клупската историја (2013/14). Сепак, Англичанецот денес се соочи против популарните ,,Гловерс”, како предводник на Торки Јунајтед.
Фаворитот денес ја оправда фаворитската улога со најубедливиот домашен триумф во последните две сезони. Имено, Торки потполно го надигра Јеовил и го доби со 6-1.
Домашниот состав постигна четири голови во првото полувреме преку Армани Литл (5′), Дени Рајт (9′), Сем Шеринг (21′) и Арон Неман (36′).
Во вториот дел, Јеовил намали на 4-1 благодарение на Алби Скенди (49′), а до крајот, Конор Лемонхај-Еванс (53′) и Кајл Камерон (83′) го поставија конечниот резултат.
