Во тринаесеттото коло од грчката Супер лига, ОФИ Крит го совлада Аполон Смирнис со 0-3.
Смирнис влезе во мечот како аутсајдер, а победата изгледаше недостижно уште од деветнаесеттата минута, кога Македонецот Никола Јакимовски доби директен црвен картон.
Нашиот интернационалец направи пенал, кој беше промашен од Хуан Неира, но само пет минути подоцна, гостите веќе водеа со 0-2.
Двоен стрелец за ОФИ беше Лазарос Лампру (24′, 26′), кој дојде до бројка од четири постигнати погодоци во сезоната.
Во вториот дел, после константните напади на ОФИ, Чилеанецот Луис Гаљегос (63′) по третпат ја затресе домашната мрежа и го постави конечниот резултат.
Со првата победа во 2022, тимот од Крит остана на шестото место, додека Аполон Смирнис и понатаму ја зазема последната позиција.
Во вториот денешен меч од грчката елита, ПАОК ја оправда фаворитската улога и го совлада Панетоликос со 2-0.
